Phantom Reborn

返工放工几点至够钟
Sick Leave要点用开会有乜用
打卡打卡打记得打卡
日出而作搏一搏
我架单车都变摩托
睡眼惺忪九点钟记得起身返工
九个钟九个钟每日返九个钟
个个都要返工返工先唔使穷
证明你有用
份粮月中已经唔够用　
第一个钟轻轻松松等等第二个钟
第二个钟去Site Visit
顺便去埋Game Zone
第三个钟打电话打成个钟至接通
之后嗰四个钟劲多野做喺公司四围中
入厕所冲吓冲吓又钓鱼中吓中吓
攞杯咖啡冲吓冲吓冲吓冲吓冲吓冲吓
咁又冲到最尾嗰个钟
个个睇住个钟个个等放工

放工去玩又惊第二朝早起又惊粮尾
返工系一个得闲死唔得闲病嘅游戏
你老板唔钟意你你唔钟意份工
鬼叫你钟意份人工咁就冇嘢需要理
打卡最型打唔停
打少一成会双目失明
大部份嘅老细会低估员工嘅能力
大部份嘅员工会低估老细嘅智力
大部份嘅老细会挑战员工嘅耐力
大部份嘅员工会问同事攞零食
番工放工几点至够钟
日搏夜搏先发觉
最钟意读书返学
永远就嚟迟到班地铁一定赶唔到
好彩第一个返到老细又睇我唔到
成个朝头早已经有鬼咁多嘢做
临放工终于做到趴喺度
有人冇嘢忙又要扮忙
女同事化完妆又要补妆
系Pantry入面嘅Pantry党扮开会
同一个Project讲完又讲
扫把话唔够数出嚟捉人去跑数
跑极都系唔够数份人工又唔啱数
最唔抵饮完酒晚起唔到身返唔到工
诈病请病假又要付出代价
好彩呀边个有医生纸明码实价
仲要做紧特价
请够四日都唔怕
费时返到公司
好似只死尸放工去开P
点知要OT
打卡打卡记得打卡　
唔系O咗T有边个知
(喂　今晚我要早走呀
你可唔可以帮吓我手呀)
(寻晚我都冇走　点打卡嗻)

Is this a crisis of life?